منتدى يهتم بأبوسليم الماضي ، والحاضر ، والمستقبل

عزيزنا الزائر أنت مهم بالنسبة للموقع ، شارك واثبت وجودك فالموقع موقعك
دعوة لأبناء قريــ أبوسليم ــة بأي مكان هذا موقعكم على الانترنت ساهموا في انجاحه
تحرى دائما ً عزيزنا العضو الدقة والحرص فيما تكتب وفيما تقرأ وفيما ترد به على الأعضاء فرقابة الله عليك أقوى من أي رقابة
التحية لكل أهل أبوسليم من الترس إلى الترس
سلم عنوان الموقع برسالة نصية من خلال جوالك لكل من تحب www.abusulaimvill.ahlamontada.netمعنا بالتعريف بالموقع
التسجيل اسهل مايكون في منتدى قرية ابوسليم سجل معنا في المنتدى وأبدأ معنا رحلة تطوير المنتدى
abusulaim.v@gmail.com ايميل الموقع
تنويه :عزيزنا العضو إذا لم تكتب اسمك الحقيقي أو لقبك المعروف في القرية فسوف تحذف عضويتك خلال يومين بعد التسجيل بالاسم المستعار ويرجى الالتزاممجلس ادارة المنتدى

المواضيع الأخيرة

» معا من أجل أبوسليم
الإثنين مايو 10, 2010 10:45 am من طرف عشنوقابى

» مرحبا بدكتور جعفر
الإثنين مايو 10, 2010 10:26 am من طرف عشنوقابى

» كان أستاذ عبدالقيوم مدرسةً
الإثنين مايو 10, 2010 10:12 am من طرف عشنوقابى

» مرحبا بالعوده
السبت مارس 27, 2010 12:02 pm من طرف عشنوقابى

» welcome abusleem
السبت يوليو 25, 2009 12:02 pm من طرف مدثر كرار

» عووووك....ياطيورنا المهاجرة
السبت يوليو 25, 2009 11:57 am من طرف مدثر كرار

» بت ابوسليم تحييكم أيها الأعضاء وموقع جميل
السبت يوليو 25, 2009 11:02 am من طرف عشنوقابى

» ماسااااااة شاب
الأحد يوليو 12, 2009 1:26 pm من طرف ودالعامر

» اخبار الدورة الرياضية
الأحد يوليو 12, 2009 1:09 pm من طرف ودالعامر

احصائيات

أعضاؤنا قدموا 122 مساهمة في هذا المنتدى في 61 موضوع

هذا المنتدى يتوفر على 49 عُضو.

آخر عُضو مُسجل هو الحاج ودالطيب فمرحباً به.

التبادل الاعلاني


    نكات رباطابية ساخنـــــة تــلج .....

    شاطر
    avatar
    wadabusulaim
    Admin

    عدد المساهمات : 26
    تاريخ التسجيل : 25/04/2009

    نكات رباطابية ساخنـــــة تــلج .....

    مُساهمة من طرف wadabusulaim في السبت مايو 02, 2009 7:33 pm

    رباطابي قاعد في مطعم

    وجنبو واحد نظرو ضعيف

    الرباطابي طالب كباب والجنبو طلب فول

    الجنبو كل شوية ياكل من الكباب بتاع الرباطابي

    الرباطابي اتغاظ قال ليهو انت لو ما بتشوف ما بتضوق؟؟


    رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟

    ************************************************** ********

    رباطابى عنده لورى مسافر بيه وفى الطريق اللورى اتقلب قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب قام الرباطابى قال ليهو لا أنا متاكيهو عشان أقعد فى ضله

    ************************************************** *******

    ربطابي شايل ليهو طشت لاقاه واحد قال شنو ماشي تغسل ؟
    رد الربطابي لا ماشي أغني أه ونص ..

    ********************************************* **************

    ربطابي جزار شايل عظام لاقاهو شايقي سأله:عازم كلاب ؟رباطابي :ايوه!انته ماكرتك جاك..

    ************************************************** *******

    رباطابى راكب القطر ... والقطر مافيه كهرباء
    ولا أنوار ..جنبه واحد بيهبش تحت كرعينه
    قاليه يازول مالك .... قاليه بفتش لولدى
    الرباطابى قاليه .... ولدك دا إبريق ما تندهله ..

    ************************************************** *****




    رباطابي قاعد في مطعم وكلما حضر زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال يااخونا حلتك دي فيها ادراج ولاشنو

    **************************************************

    واحد رباطابي جوهم الجماعة وهم يهللون ابشر ياحاج ولدك الليلة عريس في جنان الخلد وسمعت امه وجات جارية وينو ولدي فقال ليها احدهم ياحاجة ولدك عريس الجنة الليلة ياحاج الحاجة دي بتعمل كدة ليه فما كان منه الا ان قال اديها طلقة عشان تحصل الجرتق

    ************************************************** *


    رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين

    **************************************************


    رباطابي عنده فرن جاهو مسكين قال ليهو ( لي يومين ما ضقت

    طعم الرغيف ) الرباطابي قال ليهو : ( ياهو طعمو زاتو ما اتغير ) .



    ****************************** ********************


    قالوا رباطابي ببيع خرفان .. جاهو واحد إشتره منه خروف .. وبعد مارفع الخروف في العربية .. رجع للرباطابي وقال ليه وين القش بتاع الخروف ..
    الرباطابي قال ليه أنا بعته ليك مكيف .

    *************************************************


    قالو واحد سافر لابوحمد واول ما نزل من القطر لقى شافع رباطاب بيببع في ليمون قام قال ليهو يا ولد ليمونك ده فيهو موية قام الشافع رد عليهو بسرعة - نان قالوك ساقنوا بالتيمم

    **************************************************

    رباطابي جزار جاو واحد قال ليهو عايز راس نيفة بس صلحو كويس فردعليهو اصلحو كيف يعني البسو نظارة


    الشايقى الجعلى قاعدين تحت شجرة لالوب يتونسوا ، الشايقى قال للجعلى اطلع جيبلى لالوبات من الشجرة !

    الجعلى قال ليهو انت محنن ???

    فجأة ظهر أسد ! الجعلى طلع فوق الشجرة ، والشايقى جرى بعيد !

    لما الأسد فات ، الشايقى لقى ليهو عود صغير ، قال للجعلى الأسد فات ! خوفتوا ليك

    بالمطرق دا ! لكن انت وقت الله رفع قدمك ، لا تنسى اللالوبات جيبن معاك ....

    ************************************************** **********


    اتنين جعليين ماشيين فى الخلا ، لاقاهم رباطى ، قال ليهم جيبوا كل العندكم !

    واحد عاوز يقاوم ، قام الرباطى أداه كف جامد ! وطوالى أخونا وقع فى الأرض !

    والرباط شال العندهم ومشى !

    قام أخوه قال ليهو : انت بس من فرد كف تقع ???

    قال ليهو : لكن كان قمت ما كان عققبلى !!
    ************************************************** **********


    ربـاطابي ببيع لـبن

    الـمهم عندو زبـون مـحامي

    يوم زوجة المحامي غالطت الرباطابـي في حـق يومين

    مـدعية انو كان في مطـرة

    والرباطـابي مـصر انـو اداهم الـلبن في اليوم البـعدو

    زوجها المـحامي تـدخل وقال لـيهو

    انحنا ماممكن تـغالطنا ابـدا

    الرباطابـي قال ليه

    غالـطك كيف وانت الغـلاط فاتح لو مكتب



    ************************************************** ********

    رباطابي مشى زياره لبيت عزابه بالليل

    لقاهم كتار شديد

    راقدين في الحوش وشادين ناموسياتهم

    جاء طالع لاقاهو واحد قاليهو ما لقيت زولك؟

    الرباطابي قال ليه

    بي وين لي موقف أمجاد ده ؟؟
    ************************************************** **********

    رباطابي جا يشرب موية من زير في الشارع

    والواطة مسخنة شدييد

    ولقى واحد كان بشرب

    والمفروض كعملية ذوقية يملأ ليه الكوز موية

    فقام اداه الكوز فاضي

    الرباطابي قال ليه بزعل شديد

    مديني ليه فاضي اسوي بيه شنو؟؟

    أقرمشو يعني؟؟
    ****************************** ******************** *************
    دكتور رباطابي جاتو مره كبيرة

    وقالت ليهو عيانة شديد وعايزة لي دواء سريع

    كشف عليها واداها حبوب

    وقال ليها

    ابلعي اتنين ويتبقي كويسة

    لمن طلعت بره ومن زير العيادة بلعت الحبتين

    ورجعت للدكتور قالت ليه

    الحبوب بلعتهم ومابقيت كويسة

    قال ليها ياحاجة انا اديتك حبوب ولا اسبيرات؟؟
    avatar
    عوض علي زاكي

    عدد المساهمات : 89
    تاريخ التسجيل : 01/07/2009

    رد: نكات رباطابية ساخنـــــة تــلج .....

    مُساهمة من طرف عوض علي زاكي في الأربعاء يوليو 01, 2009 5:01 pm

    شكرا ودابوسليم علي النكات الرائعة عن اهلنا الرباطاب
    وهاك دي:
    اتنين مساطيل بتغالطو واحد بقول دى القمر والتانى بقول دى الشمس
    جا واحد مسطول اكتر منهم سالو :يابن العم دى الشمس ولا القمر
    قام رد :معلش يا شباب بس انا ما ساكن هنا

    ودالعامر

    عدد المساهمات : 39
    تاريخ التسجيل : 21/06/2009

    غير شوية

    مُساهمة من طرف ودالعامر في الخميس يوليو 02, 2009 3:10 am

    دايما ياعوض النكات حقتك عن المساطيل الحاصل شــــــــــــــنو

      الوقت/التاريخ الآن هو الأحد سبتمبر 24, 2017 9:20 am