قرية أبوسليم

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى يهتم بأبوسليم الماضي ، والحاضر ، والمستقبل

عزيزنا الزائر أنت مهم بالنسبة للموقع ، شارك واثبت وجودك فالموقع موقعك
دعوة لأبناء قريــ أبوسليم ــة بأي مكان هذا موقعكم على الانترنت ساهموا في انجاحه
تحرى دائما ً عزيزنا العضو الدقة والحرص فيما تكتب وفيما تقرأ وفيما ترد به على الأعضاء فرقابة الله عليك أقوى من أي رقابة
التحية لكل أهل أبوسليم من الترس إلى الترس
سلم عنوان الموقع برسالة نصية من خلال جوالك لكل من تحب www.abusulaimvill.ahlamontada.netمعنا بالتعريف بالموقع
التسجيل اسهل مايكون في منتدى قرية ابوسليم سجل معنا في المنتدى وأبدأ معنا رحلة تطوير المنتدى
abusulaim.v@gmail.com ايميل الموقع
تنويه :عزيزنا العضو إذا لم تكتب اسمك الحقيقي أو لقبك المعروف في القرية فسوف تحذف عضويتك خلال يومين بعد التسجيل بالاسم المستعار ويرجى الالتزاممجلس ادارة المنتدى

المواضيع الأخيرة

» معا من أجل أبوسليم
ماسااااااة شاب I_icon_minitimeالإثنين مايو 10, 2010 10:45 am من طرف عشنوقابى

» مرحبا بدكتور جعفر
ماسااااااة شاب I_icon_minitimeالإثنين مايو 10, 2010 10:26 am من طرف عشنوقابى

» كان أستاذ عبدالقيوم مدرسةً
ماسااااااة شاب I_icon_minitimeالإثنين مايو 10, 2010 10:12 am من طرف عشنوقابى

» مرحبا بالعوده
ماسااااااة شاب I_icon_minitimeالسبت مارس 27, 2010 12:02 pm من طرف عشنوقابى

» welcome abusleem
ماسااااااة شاب I_icon_minitimeالسبت يوليو 25, 2009 12:02 pm من طرف مدثر كرار

» عووووك....ياطيورنا المهاجرة
ماسااااااة شاب I_icon_minitimeالسبت يوليو 25, 2009 11:57 am من طرف مدثر كرار

» بت ابوسليم تحييكم أيها الأعضاء وموقع جميل
ماسااااااة شاب I_icon_minitimeالسبت يوليو 25, 2009 11:02 am من طرف عشنوقابى

» ماسااااااة شاب
ماسااااااة شاب I_icon_minitimeالأحد يوليو 12, 2009 1:26 pm من طرف ودالعامر

» اخبار الدورة الرياضية
ماسااااااة شاب I_icon_minitimeالأحد يوليو 12, 2009 1:09 pm من طرف ودالعامر

احصائيات

أعضاؤنا قدموا 122 مساهمة في هذا المنتدى في 61 موضوع

هذا المنتدى يتوفر على 49 عُضو.

آخر عُضو مُسجل هو الحاج ودالطيب فمرحباً به.

التبادل الاعلاني


3 مشترك

    ماسااااااة شاب

    avatar
    ودالعامر


    عدد المساهمات : 39
    تاريخ التسجيل : 21/06/2009

    ماسااااااة شاب Empty ماسااااااة شاب

    مُساهمة من طرف ودالعامر الثلاثاء يوليو 07, 2009 2:42 pm

    مأساة شاب في الخرطوم
    الشباب الذي يتطلع الي الرقي محاول بشتي الطرق ان يحقق تلك الأماني والهواجس التي في رأسه فيحاول الهجرة من أهله ودياره وقريته إلي تلك اللعينة العاصمة فيترك أرضه الخصبة لياتي الي الضياع.
    النص
    اه يازمن عندي ليك صورة مصغرة
    فيها بحكي ليك عن حياتي شوف براك واتصوره
    كنت قاعد في البلد والساقية ديمة مدورة
    وبيها بسقي في النخيل وارضي طول سنينها مخضرة
    فيها ناوي افني شبابي وجناي وراي يواصله
    امي وابوي يعفوا عني في كل صلاة
    اه يازمن مأساتي كيف ليك اسلسلة
    بداية خطاب من صديق يحكي عن العاصمة
    وعن حياتهم فيها كيف وفيها حاجات مذهلة
    قال لي قاعد في البلد حارس هناك ساقية مهلهلة
    قال لي براك تعال وشوف ياما تندم علي عميرك الكان فني
    قالي ماتشتغل وتنزل اجازة قبل سنة
    وفي الخطاب ذاكر كثير والناس هناك متجنسة
    قالي فيهم الجاء برجولو والله سواها مؤسسه
    أه يازمن ....
    من يومي داك النوم انا بقالي شر
    كرهت السواقي والنخيل والبقر
    وأهلي الحنان التقول قروا في عيوني السفر
    بكت امي دمعة غزيرة زي المطر
    قالت اه ناوي وين ابوك ياحسون كبر
    وحالتو ماتنخفي عليك وبرضو كمان جاهو الفتر
    وكلامه دا لا جاب فيني قلب ولا حتي اثر فيني اثر
    بقيت الملم في القروش وأسال كمان يوم القطر
    وأبوي ما اتكلم معاي ولا لي في يوم نهر
    هديماتي في شنطة صفيح لملمتها وشلت معاي شوية تمر
    المحطة وصلتها والقطر قرب يجي
    ركبت فيه وبينا قام وفيه مابعرف نفر
    ويازمن وقتاً منو كثير جانا واحد بالحيل نقر
    دقة دقات كثيرة قلت ليه أخراب اصبعك دحين ما انكسر
    اخد لو ضحكه وقالي وريني ورق السفر
    هبشت لي جيبي اليمين لي قروشي مالقيت اثر
    جنبي واحد قالي ياجني جيبك دا قرضو فار
    عرقت عرق كثر وفي اعضائ خش الفتر
    واخونا داك شاف بي عيونو وبرضو واقف منتظر
    قلت ليه الحرامي ماخلي حق الفطور
    غايتو عاين لي شديد وفي النهاية خلاني مكشر
    وصلنا للخرطوم سلام والوقت كان العصر
    شفت لي عربات كثيرة غريبة مضروبات صفر
    والحكمة في طول البيوت تمام دي افكار الكفر
    فضلت اعاين جاي وجاي لمان سواد العين فتر
    وفي اللحظة دي جاني بوليس ولي نهر
    قال لي يازول يا الانت واقف لي شنو واقف منتظر
    قلت ليه تاه مني الدليل حليلو تاه مني الفكر
    قال لي جيت لي منو قلت ليه اسمو احمد خضر
    قال لي تعرف وين هو ساكن قلت ليه مابعرف كتر
    قالي قبل القيام ماكنت تديه الخبر
    ما كان هو جاء وفي المحطة ليك انتظر
    غايتو بعد تعب شديد وصلت لي احمد خضر
    سالمني وبي رحب وعمل لي حفل مختصر
    حكيتلو عن البلد وعن الكبير والي ولادتو هو ماحضر
    حكيتلو عن يوم قيامي وعن ماحصل في القطر
    اتاري يازمن عايشني حياة طريقة مر
    كلهم تاركين الصلاة هاك يا قمار وهاك ياسكر
    وبعد السكر جابوا الورق صنقيرة فيه حتي الفجر
    وفي النهاية اتنابزوا ويومي دا خلاص السهر
    وفي الحالة دي قاعد انا بلا عمل سنة واثنين شهر
    غالبني الرجوع للاهل حضيري صحابني الفكر
    واخوي اليه جيت من قعادي بالحيل عكر
    قال لي فترت من صرفي ليك ياخي ماتخلي عندك شعور
    قلت ليه غلطان الترك زراعتي وليك حضر
    قلت ليه ما انت السبب خليتني عاطل بدون أجر
    غايتو انغزني حضور ابوي ومن الزعل لي غفر
    قال لي امك ياوليد شفقانة من عدم الخبر
    قال لي نصيحة مني ليك دا ما شباب منتظر
    دا ما شباب منتظر
    avatar
    غصن شجرة


    عدد المساهمات : 1
    تاريخ التسجيل : 17/06/2009

    ماسااااااة شاب Empty رد: ماسااااااة شاب

    مُساهمة من طرف غصن شجرة الخميس يوليو 09, 2009 6:01 pm

    الاخ / ود العامر
    ابيات شعر جميلة ومعبرة تعبر عن الحنين لموطنك وكرهك للغربة والاجمل تعبيرك عن المشكله بابيات شعر رائعة
    فعلا مازالت القري تحمل الكثير من معالم الطيبةوالخير والنماءوعلي العكس المدينة انتشر فيها الفساد واصبحت ملجأ الي كل شاب راغب في اثبات ذاته.
    ولكن برايك هل يستطيع الشاب الطموح ان يحقق طموحه في القرية؟؟؟
    تسلم ايديك
    عوض علي زاكي
    عوض علي زاكي


    عدد المساهمات : 89
    تاريخ التسجيل : 01/07/2009

    ماسااااااة شاب Empty رد: ماسااااااة شاب

    مُساهمة من طرف عوض علي زاكي السبت يوليو 11, 2009 3:33 pm

    شكرا اخي محمد العامر ...وعل الابيات الطيبة دي
    وانت هسي في عطبرة جنب اهلك...طيب اذا كنت زينا يعني ...كان كتبت رثاء عديل
    ....ما لاحظته....ان الاخت غصن شجرة( المصرية) كما تقول
    في الامر شك من انها مصرية....لانها من خلال ردودها لمواضيع بالعامية السودانية...تجعلك تشك في انها مصرية
    لان العامية السودانية صعب علي المصري ان يفهمها علي طول...ولانني اعرف المصريين
    وزرت مصر في رمضان الفائت...ومع انني صدقتها بقوة عندما قالت مصرية....
    ولتثبت ذلك ويكتمل التعارف مع اعضاء المنتدي...عايزين نعرف....انت من وين(فين)في مصر
    المدينة والحي وكده....اذا كان هذا لايسبب لك حرجا
    وتقبلي خالص تحياتي واحترامي
    avatar
    غصن شجرة


    عدد المساهمات : 1
    تاريخ التسجيل : 17/06/2009

    ماسااااااة شاب Empty رد: ماسااااااة شاب

    مُساهمة من طرف غصن شجرة السبت يوليو 11, 2009 5:34 pm

    الاخ/عوض علي زاكي
    تحيه طيبه ليك ولكل اعضاء المنتدي
    حضرتك مش مصدق اني مصريةطيب انا هحاول اثبت ذلك لكي اثبت انني صادقة وليس اكثر.
    الاول انا مقيمة قي العاصمة القاهرة وسوف اذكر لك بعض احيائها اذا كنت تعرفهم: حي عابدين والمعادي والعتبة والموسكي والسيدة زينب وحي عين شمس وبولاق وحلوان والزمالك.
    ويسكن النوبيين في محافظة اسوان عند منطقة كوم امبو وكلابشه وذلك بعد التهجير بعد بناء السد العالي.
    وفعلا اللهجة السودانية صعبة ولكن لو لاحظت انا برد فقط علي المواضيع التي باللغة العربيةاو يتضمنها اللغة العربية والمواضيع ذات المشاكل العامة والتي لاتخص السودانيين فقط
    ولاتنسي ان في مصر يقيم العديد من السوادنيين الذين يشتغلوا معنا
    وغير ذلك انا بحاول ارد باللغة العربية وليست العربية العامية لدينا في مصر
    لاني لو اتكلمت بالعامية برضه هيكون في صعوبة الي حد ما
    وانا ايضا مستعدة لاي تساؤل اخر لكي اثبت اني مصرية
    وعلي فكرة عندما ذكرت اني مصرية تفضلت سيادتك وذكرت بعض الابيات وطبعا لم افهمها ولكن ماحبيت اتوقف عنها لاني كان الواضح انها تتضمن كلام طيب
    ولاتنسي قناتي ساهور وهارموني
    وحبابك عشرة

    ه
    عوض علي زاكي
    عوض علي زاكي


    عدد المساهمات : 89
    تاريخ التسجيل : 01/07/2009

    ماسااااااة شاب Empty رد: ماسااااااة شاب

    مُساهمة من طرف عوض علي زاكي السبت يوليو 11, 2009 5:43 pm

    شكرا لك اخت غصن شجرة...وارجو ان لاتكوني فهتي غلط بس كنا حابيين نتعرف عليك اكتر

    واتاكدت انو انت من مصر...لانني عندما كنت هناك سكنت بالمهندسين- العجوزة-عند ميدان النبوي-غرب محطة (كيت كات(
    وبالقرب من امبابة... ومن ثم سكنت بمصر الجديدة-حدائق القبة- الزاوية الحمراء
    وبالجد القاهرة جميلة واهلها طيبون جدا وجميلون ...والاحلي انهم يحبون بلدهم لدرجة الثمالة
    ولولا انقضاء مدة دراستنا بجامعة القاهرة كلية الهندسة-لما غادرنا قاهرة المعز
    ولك ايضا تحياتي
    avatar
    ودالعامر


    عدد المساهمات : 39
    تاريخ التسجيل : 21/06/2009

    ماسااااااة شاب Empty رد: ماسااااااة شاب

    مُساهمة من طرف ودالعامر الأحد يوليو 12, 2009 1:26 pm

    مشكــورين جدا الاخوة الافاضل (غصن الشجرة -والعزيز عوض ) على مروركم العطـر على هذا البوســت وأتمنى ان ان يكون قد عكس الصورة الطيبة الموطن الصغير القرية الحبيبة مع خالص ودى

      الوقت/التاريخ الآن هو الثلاثاء مارس 19, 2024 2:59 am