نكات من الدرجة الأولى

إمام حلفاوي بيصلي بي جماعه من الحلفاويين,
كُل يوم وكُل صلاة يقرا الفاتحة وسورة -ألهاكم التكاثُر حتي زُرتُم المقابر-,
أها الإمام مات قام جا ولدو بقا يصلي بالجماعه بدلو,
أول يوم صلي قرا ليهم سورة - التين والزيتون- ,
الجماعه ورا طوالي قالو ليهو (أثناء الصلاة) أيوا كِدا الله ينصُر
دينك جيب لينا الحاجات السمحه دِي,
أبوك كُل يوم شابِكنا هاكُم التذاكِر أمشُو المقابر.


واحد بيحكي لرباطابي عن أنواع الثعابين، قال ليهو


في نوع مع عضّتو للزول بيخلّي أسنانو جوّه جسم الزول

الرباطابي: أها وكان لاقاهو زول تاني في نفس اللحظة؟

قال ليهو: ربّنا بيقوّم ليهو سنون جُداد وتااااني بيغرسن في جسم الزول التاني
الرباطابي: هو الشي ده دبيب وللا دبّاسة؟
حلفاوى قاعد عاطل استلم رسالة من ود اختو كاتب ليهو يا خالى رسل لى شيلة العرس وقروش لانو قررت ان ادخل القفص الذهبى طبعا الحلفاوى عاطل, و قال يعنى عشان انت تدخل القفص الذهبى انا ندخل السجن

حلفاوى مطول من السودان استلم رسالة من خطيبتو والخطيبة كاتبه ليهو ، يا حبيبى لقد تأخرت كثيرا فقال والله عجيبة تاخرت كثيرا ؟؟ليه انا اصلو مأجر منك عجلة

قاليك حلفاوي شغال امام مسجد لكن يدوب مستلم الشغل المهم بعد ما أذن أذان الفجر قال لي صاحبوا رايك شنو في الأذان ؟؟قال تمام لكن ما قلت الصلاة خير من النوم ...قال ليهو.... يعني أكضب؟؟
إمام حلفاوى يخطب بالناس الجمعة

قال..: مادايرين نطول كتير سألهم تعرفو (قصة) غصة نوح ..؟؟
قالو..: آآآي نعرفها..

قال..: خلاص أغم الصلاة!



بعد الصلاة سألهم.. تعرفو (قصة) غصة إبراهيم..؟؟
قالو..: آآآي نعرفها..
قال خلاص..: الجمعة الجاية.. ماتاجو! ! ! !

قال ليك واحد ادروب دخل ليه مبارة هلال مريخ صاحبك قعد في الاستاد كدة اللاعبين دخلوا صاحبنا قال للزول الجنبو اسمع يا دا ماهيثم مصطفى قال ليه ايوا تاني قال ليه دا ما فيصل العجب قال ليه ايوا ودا ماكلتشي ودا ما ايداهو ودا ما رتشارد ودا ما سفاري قال ليه والله لو ما اخاف الكضب الكورة دي انا خشيتا قبل كده !!!!!!!!!!!!!!!!